«ҚазМедТех» АҚ-да Олжас Сүлейменовтің 90 жылдығына арналған әдеби сағат өтті

22 мамыр күні Қоғамда көрнекті қазақстандық ақын, жазушы, қоғам қайраткері әрі дипломат Олжас Сүлейменовтің 90 жылдық мерейтойына арналған әдеби сағат ұйымдастырылды.
Аталған шара Қазақстан Республикасы Ұлттық кітапханасы қызметкерлерінің ұйымдастыруымен өтті. Олар Олжас Сүлейменовтің шығармашылық және қоғамдық қызмет жолына шолу жасап, оның қазақ әдебиетін, мәдениетін және халықаралық гуманитарлық диалогты дамытуға қосқан үлесі туралы баяндады.
Әдеби сағат барысында қатысушылар қаламгердің өмірбаянымен, ең танымал шығармаларымен, сондай-ақ қоғамдық дипломатия және ядролық қаруға қарсы қозғалыс саласындағы қызметімен танысты. Сонымен қатар, Олжас Сүлейменов шығармашылығының Қазақстанның мәдени мұрасын қалыптастырудағы және ұлттық бірегейлікті нығайтудағы маңызына ерекше назар аударылды.